خلطه لتطويل الرموش

هذي خلطة لتطويل الرموش حصلتها وانا اخذ جوله بالشبكه العنكبوتيه

طبعا للامانه انا ماجربتها لكن باين انها كويسه

الخلطه هذي تبع بنوته كويتيه تقول انو هي كانت تبيعها والان افصحت عنها

كهديه لكل البنات وهذي الطريقه كما وردت

((قفشتين وسط زيت الحبة السودا ( حبة البركة )
قفشة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي
قفشة وسط عسل نحل طبيييييييييييييييييييييييعي
قفشة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع ))

طبعا الخلطه هذي زي ماقالت تنحط في علبه ماسكارا وتنحط قبل النووم بس مانكثر عساس الزيت مايدخل في عيوننا

والنتائج ان شاءالله تظهر في الاسبووع الثاني من الاستخدام Cool